Prifysgol De Cymru yw’r rheolydd data a gallwch gysylltu â Swyddog Diogelu Data’r Brifysgol drwy [email protected].

Mae’r Brifysgol wedi ymrwymo i ddiogelu preifatrwydd y rhai sy’n gweithio, yn astudio ac yn dod i mewn i’n campws yn unol â Deddf Diogelu Data 2018 a Rheoliad Cyffredinol y DU ar Ddiogelu Data (GDPR y DU). Mae’r hysbysiad preifatrwydd hwn yn rhoi gwybodaeth am ddefnydd eich data personol pan fyddwch yn defnyddio Eventbrite i gofrestru am ddigwyddiad a drefnir gan y Brifysgol.

Dylid darllen yr hysbysiad preifatrwydd hwn yn unol â hysbysiadau preifatrwydd eraill sydd ar waith yn y Brifysgol.

Pa wybodaeth rydym yn ei chasglu?

Mae’r Brifysgol yn casglu data personol am unigolion sy’n cofrestru am ddigwyddiadau Eventbrite yn uniongyrchol oddi wrthych chi, gwrthrych y data. Rydym yn casglu data sy’n berthnasol ac yn angenrheidiol i'r digwyddiad yr ydych yn dymuno ei fynychu ond sy’n debygol o gynnwys y canlynol:

• Eich enw
• Eich cyfeiriad e-bost
• Eich sefydliad
• Y digwyddiad yr hoffech ei fynychu
• Sut clywsoch chi am y digwyddiad
• Unrhyw ofynion arbennig o ran mynychu digwyddiad Prifysgol fel y gallwn sicrhau bod unrhyw ofynion hygyrchedd yn cael eu bodloni yn ogystal ag unrhyw ofynion arlwyo os ydych yn mynychu digwyddiad sydd wedi’i arlwyo.
• Dewis iaith

Caniatâd i dderbyn unrhyw ddeunyddiau marchnata a hyrwyddo, pa wybodaeth yr hoffech ei derbyn a dewisiadau cyfathrebu

Beth yw pwrpas a sail gyfreithlon y prosesu o dan gyfraith diogelu data?

Pwrpas y prosesu yw gweinyddu eich cofrestriad a hwyluso eich presenoldeb yn ein digwyddiad ac at ddibenion hyrwyddo a marchnata. Mae’n bosibl y byddwn yn defnyddio’ch data i gynnal gwerthusiad, adolygu ansawdd a gweithgareddau arolwg ar ôl y digwyddiad.

Er mwyn prosesu eich data personol at y dibenion hyn, mae’r Brifysgol yn defnyddio’r seiliau cyfreithlon a ganlyn:

• Erthygl 6(1)(f) – Mae prosesu yn angenrheidiol at ddibenion buddiannau cyfreithlon a ddilynir gan y rheolydd neu gan drydydd parti. Bydd eich data’n cael ei brosesu mewn ffyrdd y byddech chi’n eu disgwyl yn rhesymol a bydd effaith isel ar breifatrwydd, felly rydyn ni’n dibynnu ar y sail gyfreithlon ‘buddiannau cyfreithlon’.
• Efallai y byddwn yn cynnal gweithgareddau hyrwyddo a marchnata ar gyfer digwyddiadau y credwn y bydd gennych ddiddordeb ynddynt, yn seiliedig ar y math o ddigwyddiad yr ydych wedi cofrestru ar ei gyfer. Byddwn yn dibynnu ar y sail gyfreithiol ‘buddiannau cyfreithlon’ lle credwn y bydd y prosesu hwn o fudd i wrthrychau’r data a’r Brifysgol.
• Erthygl 6(1)(a) – pan fo gwrthrych y data wedi rhoi caniatâd i’r prosesu. Bydd hyn yn berthnasol pan ydych wedi rhoi eich caniatâd i ni brosesu eich data er mwyn anfon cyfathrebiadau hyrwyddo a marchnata wedi’u targedu atoch am y Brifysgol, ei gwasanaethau, ei digwyddiadau a’i chyrsiau.
• Erthygl 9(2)(g) – Mae prosesu yn angenrheidiol am resymau budd y cyhoedd sylweddol. Os byddwch yn darparu unrhyw gategorïau arbennig o ddata personol i ni, megis gofynion hygyrchedd neu wybodaeth am alergeddau, byddwn yn prosesu’r wybodaeth hon o dan y sail gyfreithlon ‘budd y cyhoedd sylweddol’, sef cydymffurfio â rhwymedigaethau statudol mewn perthynas â chyfle cyfartal neu driniaeth a deddfwriaeth iechyd a diogelwch.

Derbynwyr eich data personol

Mae'r Brifysgol yn defnyddio gwasanaethau Eventbrite fel prosesydd data i'n cynorthwyo i gofrestru digwyddiadau. Os ydych wedi cofrestru am ddigwyddiad Eventbrite yn y Brifysgol, bydd eich data personol ar gael i Eventbrite. Gallwch ddarganfod sut mae Eventbrite yn prosesu eich data personol trwy ymweld â:

• Eventbrite Terms of Service | Eventbrite Help Center
• Eventbrite Privacy Policy | Eventbrite Help Centre
• Is-broseswyr Eventbrite

Mae'r gweithgaredd prosesu data hwn yn digwydd o dan delerau llym yr atodiad prosesu data.

Yr hawl i dynnu caniatâd yn ôl

Gallwch dynnu eich caniatâd yn ôl i ni brosesu eich data personol ar gyfer gweithgareddau hyrwyddo drwy ddefnyddio’r dolenni datdanysgrifio yn ein cyfathrebiadau neu drwy gysylltu â [email protected].

Am ba mor hir y bydd eich data personol yn cael ei gadw?

Bydd eich data personol yn cael ei gadw yn unol ag Amserlen Cadw’r Brifysgol. Gweler Adran 45.7 sy'n ymwneud â Digwyddiadau Sector AU/AB.

Sut byddwn yn cadw eich gwybodaeth yn ddiogel?

Mae deddfwriaeth Diogelu Data yn ei gwneud yn ofynnol i'r Brifysgol gadw data personol yn ddiogel. Mae hyn yn golygu y bydd cyfrinachedd yn cael ei barchu, a bydd pob cam priodol yn cael ei gymryd i atal mynediad a datgeliad anawdurdodedig. Dim ond aelodau o staff sydd angen mynediad at rannau perthnasol neu holl ddata’r unigolyn fydd yn cael eu hawdurdodi i wneud hynny. Bydd gwybodaeth a gedwir ar ffurf electronig yn destun cyfrinair a chyfyngiadau diogelwch eraill, tra bydd ffeiliau papur yn cael eu storio mewn mannau diogel gyda mynediad rheoledig.

Gall y gwaith o brosesu rhywfaint o ddata ar ran y Brifysgol gan sefydliad a gontractiwyd at y diben hwnnw. Bydd sefydliadau o'r fath yn rhwym i rwymedigaeth i brosesu data yn unol â'r Ddeddf/Rheoliadau.

Fel arfer bydd data personol a gasglwn gennych yn cael ei storio yn y DU neu’r Ardal Economaidd Ewropeaidd (“yr AEE”). Fodd bynnag, mewn rhai achosion bydd data personol yn cael ei gasglu gan broseswyr o fewn gwlad neu diriogaeth y tu allan i'r DU neu'r AEE. Mae hyn yn wir am Eventbrite. Mae'r Brifysgol yn sicrhau bod mesurau diogelu priodol sy'n ofynnol gan ddeddfwriaeth diogelu data ar waith.

Hawliau unigol

Mae gan unigolion yr hawl i gael mynediad at wybodaeth bersonol, i wrthwynebu prosesu eu data personol, ei chywiro, ei dileu, ei gyfyngu ac i'w throsglwyddo.

Dylid gwneud unrhyw geisiadau neu wrthwynebiadau yn ysgrifenedig i’r Swyddog Diogelu Data – [email protected]

Lle nad yw unigolion yn fodlon ag ymateb y Brifysgol, neu’n credu nad yw’r Brifysgol yn prosesu data personol yn unol â’r gyfraith, gallant gwyno i’r Swyddog Diogelu Data.

Os na chaiff y mater ei ddatrys a bod yr unigolyn yn parhau’n anfodlon wedyn mae gennych hawl i wneud cais yn uniongyrchol i’r Comisiynydd Gwybodaeth am benderfyniad. Gellir cysylltu â’r Comisiynydd Gwybodaeth yn:

Swyddfa’r Comisiynydd Gwybodaeth
Wycliffe House
Water Lane
Wilmslow
Cheshire
SK9 5AF

www.ico.org.uk